ரஜினி – கமல் திராவிட கட்சிகளை வீழ்த்த முடியுமா?

இன்றைய காலகட்டத்தில்கூட, தமிழகத்தின் பல கிராமங்களில் குடிநீர், சாலை உள்ளிட்ட அடிப்படை வசதிகள் இன்னும் முழுமையாக நிறைவேற்றித் தரப்படவில்லை. தமிழ் மொழி மற்றும் பண்பாட்டின் மீதான தாக்குதல்களும் தொடர்ந்து கொண்டிருக்கின்றன. அதுமட்டுமின்றி, இந்த இரு கட்சிகள் மீதும் ஊழல் குற்றச்சாட்டுகள் எழுவதுடன், குற்றச் சம்பவங்களும் அதிகரித்து வருவதாக மக்கள் குற்றம்சாட்டுகின்றனர். இந்த நிலையில், மாற்று அரசியலை முன்வைத்து கமல்ஹாசன் கட்சியைத் தொடங்கியுள்ளார். ஏற்கனவே, மாற்று அரசியலை முன்வைத்து நாம் தமிழர் கட்சியைச் சீமான் வழிநடத்தி வருகின்றார். இவ்வாறு, பல்வேறு புதிய அரசியல் நெருக்கடிகள் உருவாகி வருகின்றன. இந்தப் புதிய கட்சிகளின் வருகையால் உருவாகும் அரசியல் நெருக்கடிகளின் மூலம், திராவிடக் கட்சிகளின் நீண்டகால ஆதிக்கத்தை வீழ்த்த முடியுமா என்ற கேள்வி மக்கள் மத்தியில் உருவாகி வருகிறது. ஆனால், தமிழக அரசியலில் மாற்றத்தை ஏற்படுத்தும் அளவுக்கு இந்தப் புதிய அரசியல் சக்திகளால் மக்கள் ஆதரவைத் திரட்ட முடியுமா என்பதுதான் மிகப்பெரிய கேள்வியாக இருக்கிறது.

மேலும் படிக்க: தமிழ் தக்கார் உருவானது ஏன்?

கடந்த 50 ஆண்டுகளாக திராவிட கட்சிகளான திமுகவும், அதிமுகவும் மாறி மாறி ஆட்சியில் இருக்கின்றன. திராவிட கட்சிகளுக்கு மாற்றாக புதிய கட்சிகள் உருவானாலும் கூட அவர்களால் பெரும்பான்மையான மக்களுடைய ஆதரவை பெற்று ஆட்சிக் கட்டிலில் அமர முடியவில்லை. அதனால் அவர்கள் திராவிட கட்சிகளுடன் கூட்டணியில் இருந்து கொண்டு ஆட்சியில் பங்கு பெறுவதை வழக்கமாக கொண்டுள்ளனர். தற்போது தமிழகத்தில் முன்னாள் முதல்வர்களும் மாபெரும் தலைவர்களாகத் திகழ்ந்த செல்வி ஜெயலலிதா மற்றும் கலைஞர் கருணாநிதி மறைவுக்கு பிறகு அரசியலில் வெற்றிடம் உருவாகியுள்ளது.

இந்த வெற்றிடத்தை நிரப்புவதற்கு தேசிய கட்சிகளான பாஜக மற்றும் காங்கிரஸ் தீவிரமான முயற்சிகளை மேற்கொண்டு வருகின்றன. ஆனால் 1962க்கு பிறகு தமிழக மக்கள் காங்கிரஸ் மற்றும் பாஜக கட்சிகளுக்கு எப்போதும் பெரிய அளவில் ஆதரவு கொடுத்து வெற்றி பெறச் செய்யவில்லை என்பது கடந்தகால அரசியல் வரலாறு நமக்குச் சொல்கிறது. அதனால் இந்த தேசிய கட்சிகள் தமிழகத்தின் இரு பெரும் கட்சிகளான திமுக மற்றும் அதிமுக உடன் கூட்டணி வைத்துக்கொண்டு அதன் மூலம் தங்களுடைய கொள்கைகளை மக்களிடம் கொண்டுபோய்ச் சேர்க்கவும் தங்களது செயல் திட்டங்களை நிறைவேற்றிக்கொள்ளவும் பயன்படுத்திகொள்கிறார்கள்.

மாற்று அரசியலுக்கான எதிர்பார்ப்பும் புதிய சவால்களும்:

நடிகர் ரஜினிகாந்த் தீவிர அரசியலில் ஈடுபடப் போவதாக தற்போது அறிவித்துள்ளார். அதுமட்டுமின்றி, நடிகர் கமல்ஹாசன் நடந்து முடிந்த நாடாளுமன்றத் தேர்தலில் போட்டியிட்டு, அதன் முடிவுக்காகக் காத்திருக்கின்றார். அவருக்கு எந்த அளவுக்குச் செல்வாக்கு இருக்கிறது, எத்தனை சதவீத வாக்குகளைப் பெறுவார் என்பது குறித்து தமிழக மக்களும் அரசியல்வாதிகளும் பெரும் எதிர்பார்ப்புடன் காத்துக்கொண்டுள்ளனர். இந்தச் சூழ்நிலையில், திராவிடக் கட்சிகள் வேண்டாம் என்று மக்கள் கூறுவதற்கான காரணங்கள் என்ன? ஒரு மாற்று அரசியல் கட்சியை மக்கள் எதிர்பார்ப்பதற்கான காரணங்களில் முக்கியமான ஒன்று, ஒன்றிய அரசுடன் இணைந்து இந்த இரு திராவிடக் கட்சிகளும் தமிழக மக்களுக்கு எதிரான திட்டங்களைத் தொடர்ந்து செயல்படுத்தி வருகின்றன என்ற குற்றச்சாட்டாகும்.

திமுக – அதிமுகவின் அரசியல் பலம்:

இதுவே தேர்தல் களத்தில் மட்டுமின்றி, அன்றாட அரசியல் செயல்பாடுகளிலும் இந்த இரு கட்சிகளுக்கும் மிகப்பெரிய பலமாக அமைந்துள்ளது. அது தேர்தல் நேரமாக இருந்தாலும் சரி, ஆளுங்கட்சியாக இருந்தாலும் சரி, எதிர்க்கட்சியாக இருந்தாலும் சரி, மக்களுடன் நெருக்கமான தொடர்புடன் இந்தக் கட்சிகளின் தொண்டர்களும் நிர்வாகிகளும் தொடர்ந்து செயல்பட்டு வருகின்றனர்.

இந்தத் திராவிடக் கட்சிகளுக்குப் பின்னர் உருவான பிற கட்சிகள், இந்த ஐந்து நிலைகளிலும் தங்களது கட்சி உட்கட்டமைப்பை வலுப்படுத்தாததே, அவை வெற்றி பெற முடியாமல் போனதற்கான மிக முக்கியமான காரணங்களில் ஒன்றாகும். சில தேர்தல் தோல்விகளுக்குப் பிறகு, இந்தத் திராவிடக் கட்சிகளுடன் கூட்டணி வைக்க வேண்டிய இக்கட்டான சூழ்நிலைக்கு பிற கட்சிகள் தள்ளப்படுகின்றன. இதற்கு அடுத்தபடியாக, ஒரு கட்சியை நடத்துவதற்குத் தேவையான நிதி ஆதாரம் இந்த இரு திராவிடக் கட்சிகளிடமும் பெரிய அளவில் இருப்பதால், அவற்றால் கட்சிப் பணிகளை எந்தவிதமான சிரமமும் இன்றி தொடர்ந்து மேற்கொள்ள முடிகிறது. அதற்கு மிக முக்கியமான காரணம், இந்தக் கட்சிகளின் வேட்பாளர்களில் பலர் தொழிலதிபர்களாகவும், பெரும் செல்வந்தர்களாகவும் இருப்பதுதான். மக்களுக்கு சேவை செய்ய வேண்டும் என்ற நோக்கத்துடன் அரசியலுக்கு வந்த அரசியல் தலைவர்களின் காலம், எம்.ஜி.ஆர். காலத்தோடு முடிவுக்கு வந்துவிட்டது. அதற்குப் பிறகு, முழுக்க முழுக்க வியாபார அரசியலே தொடர்ந்து நடைபெற்று வருகிறது.

கட்சி கட்டமைப்பும் நிதி ஆதாரமும்:

இன்றைக்கு இந்தத் திராவிட அரசியல் கட்சிகள் பெரிய அளவில் வளர்ந்திருப்பதற்கு இன்னொரு மிக முக்கியமான காரணமாக இருப்பது சாதி அரசியலும் ஆகும். காமராஜர் தனது ஆட்சிக் காலத்தில் அமைச்சரவையில் அனைத்து சமூகங்களுக்கும் பிரதிநிதித்துவம் அளித்து, சமூக நீதியைப் பேணிக்காத்தார். அவரைத் தொடர்ந்து, அண்ணாதுரை, எம்.ஜி.ஆர். போன்ற தலைவர்களும் அனைத்து சமூகங்களைச் சேர்ந்தவர்களுக்கும் தேர்தலில் போட்டியிடத் தங்கள் கட்சிகளில் வாய்ப்பு அளித்தனர். பின்னர், இந்த அரசியல் போக்கு மெல்ல மெல்ல சாதி அரசியலை நோக்கிப் பயணிக்கத் தொடங்கியது. எந்தெந்த தொகுதிகளில் எந்த சமூகத்தைச் சேர்ந்த மக்கள் அதிகமாக இருக்கிறார்களோ, அந்தச் சமூகத்தைச் சேர்ந்த ஒருவரை வேட்பாளராக முன்னிறுத்தி தேர்தலில் வெற்றி பெறுவதற்கான வியூகங்களை வகுக்கத் தொடங்கினர்.

திமுக, அதிமுக என்னும் இரு பெரும் கட்சிகளும் ஒரே காலகட்டத்தில் வளர்ந்து, பலம் பொருந்திய அரசியல் சக்திகளாக உருவெடுத்துள்ளன; இன்றும் தமிழக அரசியலில் கோலோச்சுகின்றன. இந்த இரு கட்சிகளுக்கும் இடையே அடிப்படையில் பல்வேறு ஒற்றுமைகள் காணப்படுகின்றன. அவற்றில் முதன்மையானது, இரு கட்சிகளின் வலுவான உட்கட்டமைப்பு ஆகும். இன்றைக்கு தெரு, ஊராட்சி, ஒன்றியம், வட்டம், மாவட்டம் என இந்த ஐந்து நிலைகளிலும், மக்களோடு நேரடித் தொடர்பில் இருந்து இடைவிடாமல் செயல்படக்கூடிய தொண்டர்களையும் நிர்வாகிகளையும் இந்த இரு பெரும் கட்சிகளும் கொண்டுள்ளன.

சமூகக் கணக்கீடும் தேர்தல் அரசியலும்:

இவ்வாறு, தொழிலதிபர்களுக்கும் பெரும் செல்வந்தர்களுக்கும் மட்டுமே இந்த இரு திராவிடக் கட்சிகளில் தேர்தலில் போட்டியிடவும், கட்சிப் பணிகளை மேற்கொள்வதற்கான பதவி வாய்ப்புகளும் வழங்கப்படுகின்றன. கட்சியின் தேர்தல் செலவுகள், மாநாடுகளை நடத்துவதற்கான செலவுகள், எதிர்க்கட்சியாக இருக்கும்போது நடத்தப்படும் மக்கள் போராட்டங்கள் உள்ளிட்ட பிற கட்சிப் பணிகளுக்குத் தேவையான பெரும்பாலான செலவுகளும் இவர்களின் மூலமே மேற்கொள்ளப்படுகின்றன. இத்தகைய நிதி ஆதாரம் பிற சிறிய கட்சிகளிடம் இல்லாத நிலையில், அது அவர்களுக்கு மிகப்பெரிய பின்னடைவாக அமைகிறது. மாற்று அரசியலை முன்வைக்கும் கட்சிகளின் நிதி ஆதாரம் பெரும்பாலும் ஒரு சில நபர்களை மட்டுமே சார்ந்திருக்கிறது; அதுவும் குறைந்த அளவிலேயே கிடைக்கிறது. இவ்வாறு, பெரிய அளவிலான நிதி ஆதாரம் இல்லாத நிலையில், அக்கட்சிகள் மேலும் வளர்வதற்கான வாய்ப்புகள் மிகவும் குறைவாகின்றன. இதுவே மாற்று அரசியல் வெற்றி பெற முடியாமல் போவதற்கான முக்கியத் தடைக்கல்லாகவும் அமைகிறது. எனவே, மாற்று அரசியல் கட்சிகள் வெறும் மக்கள் ஆதரவைப் பெறுவது மட்டுமல்லாமல், நீண்டகாலம் தாக்குப்பிடிக்கும் வலுவான கட்சி கட்டமைப்பையும் போதுமான நிதி ஆதாரத்தையும் உருவாக்க வேண்டிய கட்டாயத்தில் உள்ளன.

இப்படியான சூழ்நிலையில், நடிகர்கள் ரஜினிகாந்த் மற்றும் கமல்ஹாசன் அரசியலில் களம் இறங்குவதால், 2019 நாடாளுமன்றத் தேர்தலுக்குப் பிறகு தமிழக அரசியல் களம் மேலும் சூடுபிடிக்கத் தொடங்கும். ஆனால், இவர்கள் திராவிடக் கட்சிகளை வீழ்த்தக்கூடிய அளவிற்கு வலிமையானவர்களா என்று கேட்டால், அதற்கான பதில் மிகப்பெரிய கேள்விக்குறியாகவே இருக்கிறது. ஏனென்றால், ஒன்றிய அரசுடன் கூட்டணி வைத்துக்கொண்டுதான் திராவிடக் கட்சிகள் தமிழக அரசியலை நடத்தி வருகின்றன. முன்பே சொன்னதுபோல், தமிழகத்தின் சிறிய கட்சிகள் திராவிடக் கட்சிகளுடன் கூட்டணி வைத்துத் தேர்தலைச் சந்திப்பதால், ரஜினி மற்றும் கமல் தொடங்கும் கட்சிகள் பல்வேறு சிக்கல்களைச் சந்திக்க நேரிடும். அதோடு, அனைத்து தொகுதிகளிலும் மக்களின் பரவலான ஆதரவைப் பெற்றால்தான் தேர்தலில் வெற்றி பெற்று ஆட்சி அமைக்க முடியும். தனது நடிப்பால் மக்களைக் கவர்ந்த எம்.ஜி.ஆர். கூட, சிறிய கட்சிகளுடன் கூட்டணி வைத்துக்கொண்டு சுமார் 34 சதவீத வாக்குகளையே பெற முடிந்தது.

திமுக மற்றும் அதிமுக ஆகிய இரு கட்சிகளும் அனைத்து சமூக மக்களையும் உள்ளடக்கிய கட்சிகளாக இருப்பதால், புதிதாக உருவாகும் கட்சிகள் குறிப்பிட்ட சமூக அடையாளத்தை மையப்படுத்திய அரசியலுடன் தனித்து போட்டியிட்டு வெற்றி பெற முடியவில்லை. இதனால், ஒரு குறிப்பிட்ட சமூகத்தை மட்டும் மையமாகக் கொண்ட அரசியல் கட்சிகளுக்கு மாநிலம் முழுவதும் பரந்த அளவிலான வாக்கு வங்கியை உருவாக்குவது சவாலாகிறது. இந்த வகையில், திராவிடக் கட்சிகள் தங்களது கொள்கைகள் மற்றும் அரசியல் செயல்பாடுகள் மூலம் தமிழகத்தின் நலன்களை ஓரளவிற்குப் பேணிக்காத்து வருகின்றன.

திராவிடக் கட்சிகளின் கொள்கையும் அரசியல் வியூகமும்:

அடுத்ததாக, திராவிடக் கட்சிகளின் கொள்கைகளைப் பார்க்கலாம். இந்த இரு திராவிடக் கட்சிகளுக்கும் இடையே கொள்கை அடிப்படையில் பெரிய அளவில் வேறுபாடு இல்லை. இந்த இரு கட்சிகளும் ஒரே புள்ளியில் இருந்து தொடங்கியவை, கருணாநிதி மற்றும் MGR க்கு இடையில் ஏற்பட்ட கருத்து வேறுபாட்டால் இரு கட்சிகளாக பிரிந்து இன்றைக்கு இரு வேறுபட்ட அரசியல் துருவங்களாக நிற்கின்றன. காங்கிரஸ் கட்சியுடன் ஒப்பிடும்போது, தமிழக மக்களின் நலன்களைப் பாதுகாப்பதில் திராவிடக் கட்சிகள் ஆரம்ப காலகட்டத்தில் முன்னிலை வகித்தன. பெரும்பான்மையான மக்கள் இன்னமும் திராவிடக் கட்சிகளால் மட்டுமே தங்களுக்கான அதிக நன்மைகளை வழங்க முடியும் என்று உறுதியாக நம்புவதைத் தேர்தல் முடிவுகள் வெளிப்படுத்துகின்றன. அதற்கு முக்கியக் காரணம், ஒன்றிய அரசில் பாஜக அல்லது காங்கிரஸ் என எந்தக் கட்சி வெற்றி பெற்றாலும், தமிழகத்திற்கு எதிரான செயல்பாடுகள் அதிகமாக இருப்பதாக மக்கள் கருதுவதுதான்.

ரஜினி–கமலால் திராவிடக் கோட்டையைத் தகர்க்க முடியுமா?:

இந்தச் சூழ்நிலையில், இவர்கள் தனித்துக் களம் காண்பதால், இவர்களின் பிரச்சாரம் எந்த அளவிற்கு மக்களிடம் எடுபடும் என்பதும், கட்சியின் உட்கட்டமைப்பை எவ்வாறு பலப்படுத்தப் போகிறார்கள் என்பதும், கட்சியை நடத்துவதற்குத் தேவையான நிதி ஆதாரத்தை எவ்வாறு பெறப்போகிறார்கள் என்பதும் முக்கியமான கேள்விகளாக இருக்கின்றன. இவற்றைப் பொறுத்தே அவர்கள் தேர்தலில் வெற்றி பெறுவதற்கான வாய்ப்பு அமையும். அதாவது, நடிகர்களாக அவர்களுக்கு கிடைத்துள்ள பிரபலத்தை அரசியல் வாக்குகளாகவும், மக்கள் ஆதரவாகவும், வலுவான கட்சி அமைப்பாகவும் மாற்றுவதில்தான் அவர்களின் உண்மையான அரசியல் வெற்றி அடங்கியுள்ளது. ரஜினி–கமலின் அரசியல் வருகைக்குப் பிறகு தமிழக அரசியல் களம் எந்த அளவுக்கு மாறப்போகிறது, அவர்கள் திராவிடக் கட்சிகளுக்கு உண்மையான மாற்று சக்தியாக உருவெடுக்கப் போகிறார்களா என்பதை நாம் பொறுத்திருந்து பார்க்கலாம்.

இந்தக் கட்டுரையின் முழு காணொளியை பார்க்க : ரஜினி – கமலால் திராவிட கட்சிகளை வீழ்த்த முடியுமா?

திராவிடக் கட்சிகளின் ஆதிக்கம்:

இதைத் தெள்ளத் தெளிவாக உணர்வதால், மக்கள் திராவிடக் கட்சிகளுக்கே அதிக வாய்ப்பளிக்கின்றனர். இந்தச் சூழ்நிலையைத் தங்களுக்குச் சாதகமாகப் பயன்படுத்திக்கொண்டு, இரு திராவிடக் கட்சிகளும் தங்களது தேர்தல் வியூகங்களை வகுக்கின்றன. அதுமட்டுமின்றி, தமிழக மக்களின் நலன், மொழி மற்றும் பண்பாட்டைப் பாதுகாக்க தங்களால் மட்டுமே முடியும் என்ற உணர்வைத் திராவிடக் கட்சிகள் மக்கள் மத்தியில் ஆழமாக விதைத்திருக்கின்றன. இதுவே திராவிடக் கட்சிகளின் தேர்தல் வெற்றிக்கு அடிப்படைக் காரணமாக அமைந்துள்ளது. இதனாலேயே காங்கிரஸ், பாமக, விசிக, தேமுதிக உள்ளிட்ட பிற கட்சிகள் இந்தத் திராவிடக் கட்சிகளுடன் கூட்டணி வைத்துக்கொண்டு செயல்பட வேண்டிய கட்டாயத்தில் இருக்கின்றன. இதனால், திராவிடக் கட்சிகளுக்கு மாற்றாக அரசியல் களத்தில் தனித்து நிற்பது மட்டுமல்லாமல், அவர்களுக்கு இணையான வாக்கு வலிமையை உருவாக்குவதும் புதிய கட்சிகளுக்கு மிகப்பெரிய சவாலாகிறது.

| © 2026 தமிழ் தக்கார். அனைத்து உரிமைகளும் பாதுகாக்கப்பட்டவை.

தனியுரிமைக் கொள்கை