பறந்திட தடையென்ன?

பறந்திட தடையென்ன இந்த பறவைக்கு

பார் போற்றும் செயல் செய்திடு

வெயில் மழை கண்டு நின்றுவிட்டால்
வெற்றி உன் வசம் வருவதில்லை

வாழ்வது கடினம் இந்த உலகினிலே
சாதிக்கவே நீ பிறந்தாய் புவிதனிலே

கொஞ்சமும் பயம் வேண்டாம்

உன் பலம் தைரியம்தான்

நீ பறந்திட பதறாத மனதை

பக்குவமாய் பெற்றிடு

உயர பறந்திட ஆசைப்படு

மற்றவரை உயர்வுடன் எண்ணிடு

மறக்காதே உயர்ந்த குறிக்கோளை

நீக்கிடு உன் எல்லா குறைகளை

நாடி நல்லதைத் தேடிடு

வெற்றியை உன் வசமாக்கிடு

துன்பம் இல்லாமல் உலகமில்லை

இன்பம் இல்லாமல் உன் வாழ்க்கை இல்லை

முடியும் என்ற தன்னம்பிக்கை

கொண்டு முன்னேறிடு

எதிர்வரும் தடைகளை தகர்த்திட்டு

தயங்காமல் முன்னே சென்றிடு

துணிந்து செய் துவளாமல் செய்

பணிந்து செய் பார் போற்றிட

சிறகை விரித்து பறந்திடு - இனி

பறந்திட தடையென்ன இந்த பறவைக்கு

தொடர்புடைய கவிதைகள்: தமிழ் தக்கார் உருவானது ஏன்?

| © 2026 தமிழ் தக்கார். அனைத்து உரிமைகளும் பாதுகாக்கப்பட்டவை.

தனியுரிமைக் கொள்கை